Die gediggie laat jou sommer weer voel asof jy self eksamen moet skryf.  Studente moet weet dat almal wat al daardeur is, baie simpatiek is, alhoewel dit nie beteken dat ons dit kan wegneem nie….wat jou nie doodmaak nie, maak jou sterker!

eksamen     –     Annesu de Vos

dit is kakofonie

wanneer jy bang verwilderd

kantel

deur die nag

tussen die bladsye

van hoofstuk vyf

se Klimatologie;

die lêboor van die wyfiesprinkaan

klop

haar eiers stelselmatig stoot

tot in die veilige vesting

van jou dop  –

jy sien die dood

as Franse Revolusies bloedloos stol

sodat die lewensiklus

van die mielieboorwurm

in die hamerslae van jou kop

voltooiing vind

 

tot jy verkorrel

in die suiker van soet slaap

 

 

 

Comments are closed.